Allu Arjun : పుష్ప 2 సినిమాతో అల్లు అర్జున్ ప్రస్తుతం చాలా బిజీగా ఉన్నాడు. మొదటి భాగంతో సూపర్ హిట్ కొట్టి పాన్ ఇండియా స్టార్ ఐపోయాడు అల్లు అర్జున్. అల్లు అర్జునకు పుష్ప సినిమా కేవలం పాపులారిటీ మాత్రమే కాదు నేషనల్ అవార్డు కూడా తెచ్చిపెట్టింది. డైరెక్టర్ సుకుమార్ పార్ట్ 2 కూడా హిట్ అయ్యేలా చాలా జాగ్రత్తలు తీసుకుంటున్నాడు. ఈ సినిమా ప్రస్తుతం షూటింగ్ పూర్తి చేసుకుని డబ్బింగ్, ఎడిటింగ్ పనులల్లో ఉంది. ఈ సినిమాను ఈ ఏడాది ఆగష్టు 15న రిలీజ్ చేయాలి అని సినిమా బృందం అనుకుంటున్నారు. నిన్న పుష్ప 2 సినిమా లో శ్రీవల్లి (రష్మిక మందన్న) కు సంబందించిన కొన్ని ఫోటోలు లీక్ అయ్యాయి.
ప్రస్తుతం అల్లు అర్జున్ కి సంబంధించి కొన్ని ఫోటోలు సోషల్ మీడియా లో చర్చనీయాంశంగా మారాయి. అల్లు అర్జున్ ఖైరతాబాద్ ఆర్టీవో ఆఫీస్ లో దర్శనం ఇచ్చాడు. ఇప్పుడు ఆ ఫొటోలే సోషల్ మీడియాలో తెగ చెక్కర్లు కొడుతున్నాయి. ఇంటర్నేషనల్ డ్రైవింగ్ లైసెన్స్ కోసమే అల్లు అర్జున్ ఖైరతాబాద్ ఆర్టీవో ఆఫీస్ కు వెళ్లి నట్టు తెలుస్తుంది. ఇంక ఐకాన్ స్టార్ అల్లు అర్జున్ అక్కడ కనిపించేసరికి ఆఫీస్ సిబ్బంది ఆనందానికి హద్దులు లేకుండాపోయాయి. వచ్చిన పని పూర్తి చేసుకుని, అభిమానులతో సిబ్బందితో ఫోటోలు దిగి అక్కడినుండి వెళ్లిపోయారు అల్లు అర్జున్.
