Prashanth Varma : ఒక్క సినిమాతో టాప్ డైరెక్టర్స్ లిస్ట్ లో చేరిన వ్యక్తి ఎవరైనా ఉన్నారు అంటే ప్రస్తుతకాలంలో అది ప్రశాంత్ వర్మ అనే చెప్పాలి. హనుమాన్ అనే ఒక్క సినిమాతో టాలీవుడ్ ని షేక్ చేసాడు ప్రశాంత్ వర్మ. పెద్ద నిర్మాతల సినిమా కంటే హనుమాన్ నే ప్రేక్షకులు సంక్రాంతి విజేతగా చూసారు అంటే అర్ధం చేసుకోండి. ఇండస్ట్రీ లో ఉన్న టాప్ హీరోలు, ప్రొడ్యూసర్లు ప్రశాంత్ వర్మతో సినిమా చేసేందుకు వెయిట్ చేస్తున్నారు అంటే నమ్మండి.
ప్రస్తుతం ప్రశాంత్ వర్మ హనుమాన్ 2 సినిమా చేయటంలో బిజీగా ఉన్నాడు. ఈ సినిమాలో హీరో తేజ సజ్జ కాదు, తేజ కేవలం హనుమంతుని బంటుగా కనిపించబోతున్నాడు. మెయిన్ హీరో హనుమంతుని పాత్ర పోషించే వారు అని తెలుస్తుంది. ఆ పాత్రకోసం ఇప్పటికే రానా, రామ్ చరణ్ వంటి హీరోల పేరులు ఐతే వినిపిస్తున్నాయి కానీ ఏది అధికారికంగా ఇంకా తెలియలేదు. ప్రశాంత్ వర్మ ఇంకో సినిమా కూడా చేస్తున్నాడు అని మీకు తెలుసా..
‘ఆక్టోపస్’ అనే ఫిమేల్ ఓరియెంటెడ్ సినిమా చేస్తున్నాడు ప్రశాంత్. హనుమాన్ 2 కంటే ముందు ఈ సినిమానే రిలీజ్ అవ్వబోతుంది. ఈ సినిమా ఇప్పటికే 70% షూటింగ్ పూర్తి చేసుకుంది. ఈ సినిమాలో ఐదుగురు స్టార్ హీరోయిన్లు ఉండబోతున్నారు. లేటెస్ట్ గా హీరోయిన్ అనుపమను ఈ సినిమాలోకి తీసుకున్నట్టు సమాచారం. అనుపమ తాను రాసుకున్న పాత్రకు కరెక్ట్ గా సెట్ అవుతుంది అని అందుకే తనను తీసుకుంటున్నాడు అని తెలుస్తుంది.
