RGV : కల్కి సునామీ ఇప్పట్లో ఆగేలా కనిపించడం లేదు. చాలా మంది ఇప్పటికే రెండు మూడు సార్లు ఈ సినిమాను చూస్తున్నారు. ప్రస్తుతం ప్రభాస్ ఫ్యాన్స్ సంతోషంగా ఉన్నారు. థియేటర్ల వద్ద పండగ వాతావరణం నెలొకుంది. గతేడాది సాలార్‌తో భారీ విజయాన్ని అందుకున్న ఆయన ఇప్పుడు కల్కితో వరుసగా రెండో బ్లాక్‌బస్టర్‌ను అందించారు. ఇప్పటికే రూ.500 కోట్ల క్లబ్‌లో చేరిన కల్కి వచ్చే వారంలోనే రూ.1000 కోట్ల క్లబ్‌లో చేరడం ఖాయంగా కనిపిస్తోంది.
మరోవైపు ఈ సినిమాపై పలువురు సినీ ప్రముఖులు స్పందిస్తున్నారు. ప్రభాస్, కమల్ మరియు బిగ్ బి నటన గురించి ప్రశంసల వర్షాన్ని కురిపిస్తున్నారు. తాజాగా ఈ సినిమా గురించి రామ్ గోపాల్ వర్మ కూడా తన స్టైల్లో ట్వీట్ చేశాడు. నాగ్ అశ్విన్‌పై గొప్ప నమ్మకాన్ని ఉంచిన అశ్వినీదత్ మరియు స్వప్నదత్ కు ధన్యవాదాలు. ఈ సినిమా డబ్బులు నిల్వ చేసేందుకు తండ్రీకూతుళ్లు లోతైన బావి తవ్వాల్సి ఉంటుందని ట్వీట్ చేశాడు. ఆర్జీవీ ట్వీట్ ప్రస్తుతం సోషల్ మీడియాను షేక్ చేస్తోంది.
KUDOS to @AshwiniDuttCh and @SwapnaDuttCh for taking a GIANT LEAP OF FAITH on @nagashwin7 .. Both father and daughter will need to dig a deep well to store the money they are collecting , and will collect from PART 2 of #Kalki2898
— Ram Gopal Varma (@RGVzoomin) July 1, 2024
ఇక రామ్ గోపాల్ వర్మ కల్కి సినిమాలో కనిపించాడు. ఆహార వ్యాపారవేత్తగా ఓ గుడ్డును 5000 యూనిట్స్ చొప్పున ప్రభాస్‌కు అమ్ముతాడు. రామ్ గోపాల్ వర్మ ఈ రూపంలో తెరపై కనిపించడంతో యువత కేకలతో థియేటర్లలో మార్మోగింది. కల్కి జ్వరం రెండు తెలుగు రాష్ట్రాల్లోనే కాదు, భారతదేశం అంతటా వ్యాపించింది. హిందీలో కూడా ఆకట్టుకునే కలెక్షన్లు రాబట్టింది. కేవలం నాలుగు రోజుల్లోనే 115 కోట్ల రూపాయలు వసూలు చేసింది.
