Balakrishna-Ntr: టాలీవుడ్ లో ఇప్పుడు క్రేజీ మల్టీస్టార్రర్ సినిమాలు వస్తున్నాయి కానీ, ప్రయత్నాలు ఎప్పటి నుండో చేస్తూనే ఉన్నారు మేకర్స్. అభిమానులతో పాటుగా ప్రేక్షకులు కూడా ఎంతగానో కోరుకునే కాంబినేషన్స్ లో ఒకటి ఎన్టీఆర్ – బాలకృష్ణ కాంబినేషన్. ఒకే కుటుంబానికి చెందిన ఈ ఇద్దరు మాస్ హీరోలు ఒకే తెరపై కనిపిస్తే చూడాలని నందమూరి అభిమానులు ఎప్పటి నుండో కోరుకుంటున్నారు. కానీ ఇప్పటి వరకు ఈ క్రేజీ కాంబినేషన్ రాలేదు. అయితే గతం లో ప్రముఖ దర్శకుడు వంశీ పైడిపల్లి ఈ ప్రయత్నం చేసాడట. ఆ సినిమా మరేదో కాదు, బృందావనం.
ఆరోజుల్లో ఈ చిత్రం ఎంత పెద్ద బ్లాక్ బస్టర్ హిట్ అయ్యిందో మన అందరికీ తెలిసిందే. అప్పట్లో స్లంప్ లో ఉన్న ప్రముఖ నిర్మాత దిల్ రాజు ని కాపాడిన చిత్రం ఇది. ఎన్టీఆర్ కేవలం మాస్ ఆడియన్స్ కి మాత్రమే పరిమితం అని అనుకుంటున్న సమయం లో వచ్చిన కుటుంబ కథా చిత్రమిది. అయితే ఈ చిత్రాన్ని తొలుత ఎన్టీఆర్ – బాలయ్య బాబు కాంబినేషన్ లో చేద్దామని అనుకున్నారట(Balakrishna-Ntr). ప్రకాష్ రాజ్ పాత్ర ని చాలా పవర్ ఫుల్ గా రాసుకున్నాడు డైరెక్టర్ వంశీ పైడిపల్లి . ఒక్కమాటలో చెప్పాలంటే హీరో తో సమానంగా పాటలు, ఫైట్స్ కూడా ఉంటాయి.
కానీ బాలయ్య ఎందుకో ఇది మాకు సరైన మల్టీస్టార్రర్ అనిపించడం లేదు, వేరే కథతో రా, నేను తారక్ కలిసి చేస్తాము అని అన్నాడట బాలయ్య . దీంతో స్క్రిప్ట్ లో మరికొన్ని మార్పులు చేర్పులు చేసి ప్రకాష్ రాజ్ క్యారక్టర్ ని తగ్గించారట. అలా మల్టీస్టార్రర్ గా తెరకెక్కాల్సిన ఈ సినిమా చివరికి సోలో సినిమాగా తెరకెక్కింది. ఈ చిత్రం ఆడియో లాంచ్ కి బాలయ్య బాబు ముఖ్య అతిథిగా విచ్చేసి, యూనిట్ మొత్తానికి అప్పట్లో ఆల్ ది బెస్ట్ కూడా చెప్పాడు. ఆరోజుల్లో ఈ సినిమా విడుదలకు ముందు సూపర్ స్టార్ రజినీ కాంత్ రోబో చిత్రం విడుదలైంది.
ఈ సినిమా కి సునామి లాంటి వసూళ్లు వస్తున్నాయి, దీని దాటికి నిలబడలేక అప్పట్లో పవన్ కళ్యాణ్ పులి, మహేష్ బాబు ఖలేజా చిత్రాలు బోల్తా కొట్టాయి. అలాంటి సమయం లో ‘బృందావనం’ విడుదలై సూపర్ హిట్ టాక్ ని సొంతం చేసుకొని బాక్స్ ఆఫీస్ వద్ద 30 కోట్ల రూపాయలకు పైగా షేర్ వసూళ్లను రాబట్టింది. బాల కృష్ణ నటిస్తున్న భగవత్ కేసరి అనే సినిమా ఈ ఏడాది అక్టోబర్ లో రిలీజ్ అవ్వబోతుంది. ఈ సినిమా కోసం నందమూరి ఫాన్స్ ఎంతగానో ఎదురు చూస్తున్నారు, ఈ సినిమా కూడా బాలకృష్ణ కు హిట్ అవ్వాలి అని కోరుకుంటున్నాము.
